KEDEN HNAWT DIRHMUN IN PRESIDENT AH

KEDEN HNAWT DIRHMUN IN PRESIDENT AH

October 27, 1945 ah Brazil ram Pernambuco state chung khua fate pakhat ah Leithuang chungkhar in mipa pakhat an hrin. Cu ngakchia pa kumli a si ah a nu le a pa an si a fah tuk caah rawl zong ṭhaṭhi in ei awk a ngei lo.

Mepe zing fatin a zuar ton. Hnipuan zong a ngei lo ti awk a si. Cu ngakchia pa te cu sianginn kai a zat tikah a hawile pahnih he mi keden an thianh ton. Mi keden tianh awk a um lo ahcun pawṭam in a vak tawn. Kum 12 a si lioah a hawile pahnih he mirum pa keden hnawh piak dingah an kal. Ngakchia pathum nih Keden hnawh an duh ning, phaisa an ngeih lo ning le an rawl a tam ning mirum pa nih an mit in a theih dih hna.

Mirum pa nih phaisa fanghnih a chuah i, a ho dah ka keden a hnawt lai, phaisa fanghnih kan pek hna lai a ti hna. Cu lio keden voikhat hnawt ah pia 20 a si. Fanghnih kan pek hna lai a ti tikah vanlei in a tla mi bantuk ah an ruah. An pathum in Keden hnawh an duh dih. Pakhat pa nih zingin rawl ka ei ti lo. Phaisa ka ngeih lo ahcun ka pawṭam in ka thi ko lai a ti. A dang pakhat nih inn ah ei awk kan ngeih lo hi nithum a si cang. Ka nu a dam lo nithum chung rawl loin ka um cang. Tuzan rawl ka chuah pi lo ahcun inn ah tuk le velh ka huah lai tiah a dang pakhat nih a ti ve. Kum 12 ngakchia pa cu nihcun mirum pa kut ah phaisa fanghnih a zoh i, hi phaisa fanghnih hi ka kut phan sehlaw ka hawile pahnih hi fakhat veve ka pek hna lai a ti.

Ngakchia pa bia nih mirum pa khuaruahhar in a tuah. Hi hna pahnih hi ka hawi ṭhabik an si. An rawl a ṭam hi nikhat chung a si cang. Kei cu chunah mepe tlawmpal ka ei ko. Keden hnawhnak caah thazang ka ngei ko. Mirum pa na keden hi keimah nih ka hnawt ko lai tiah a bia a peh. Ngakchia pa a bia nih mirum pa a thin a khen tuk. Ther lengmang in a tuah. Cun keden cu a hnawt i, fanghnih cu a hawi le fangkhat veve a pek hna. Nitlawm pal a rauh ah mirum pa nih ngakchia pawl cu a kawl ṭhan. Sianginn kai lo caan paoh a dawr ah rian a ṭuan ter. Zanriah a dangh tawn. Thlahlawh a tlawm nain keden thianh nakin tam deuh a hmuh. Keimah nakin a si a fak deuhmi ka bawmh hna ruangah covo ka hmuh hi a si ti zong fiang tein a theih.

Cu hnu cun a mahnak a si a fak deuhmi poh ka bawmh hna lai timi biachahnak a tuah bantuk in a bawmh zong a bawmh hna. Sianginn kai a dih in cu ka ahcun rian a ṭuan. Rianṭuantu hna covo ah a cawlcang tawn. Kum 21 a si ah Labour party bu ah a lut. Kum 45 ah si ah Labour party a dirh. 2002 October thla ah kan ram chung a rawl a ṭammi paoh nikhat rawl voithum kan ei ter hna lai tiah a au pi i, thimnak ah a lut ve.

Mipi nih an zumh i, a voi 35nak president a chuak. Cucu a ho si loin Brazil tuanbia ah Keden hnawt dirhmun in president a chuak mi sifak pa a si. 2006 ah a voihnihnak president a chuak ṭhan. Kum 8 chung president a ṭuannak ah a bia bantuk in a ṭuan chuah. A ram chung minung 93% le ngakchia 83% hna cu nikhat ah voithum rawl a ei ter hna. Amah kuttang ah Brazil ram cu hram a ṭam/ei mi dainusaw dirhmun in America Chaindeih dirhmun a phak ter.

Chawlet rampi ah a thlen. Cu pa cu 2010 ah a rian a chiahtu pa Brazil president hlun Luiz Inacio Lula Da Silva a si. Zeitik hmanh ah nan hnu lei i thawn hlah uh, midang zong kaltak hna hlah uh a ti. Midang na bawmh hna chung paoh cu phannak na ngei lai lo a ti rih.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s